Напалков Виктор Егорович
Напалков Виктор Егорович родился 29 июня 1938 года в д. Жежим Усть-Куломского района Коми АССР. Закончил десять классов Усть-Куломской средней школы, Ухтинский лесотехнический техникум. Заочно учился во Всесоюзном юридическом институте. 35 лет проработал в коми журналистике: ответственным секретарём районных газет, редактором радио и телевидения, ответственным секретарём журналов «Би кинь» и «Войвыв кодзув».
Первое стихотворение было опубликовано в Усть-Куломской районной газете в 1956 году. Первая повесть «Козьнав мортлы муслун» (Подари человеку любовь) появилась в журнале «Войвыв кодзув» в 1974 году. Затем на страницах журнала были напечатаны повести «Олӧны-вылӧны» (Жили-были), «Томъяс» (Молодые), «Кӧсъя тӧдмасьны» (Хочу познакомиться), «Лун бӧрся лун» (День за днём), «Ме тэнӧ радейта» (Я люблю тебя), «Кӧин» да Вероника» (Вероника и «Волк»), «Прӧстит, аньтусьӧй» (Прости, аньтусь), «Прӧщай» (Прощай), «Вотӧса август» (Щедрый август), «Шойтӧм крест» (Крест без покойника), «Кӧні тэ, мус ёкмыльӧй?» (Где ты, ненаглядная?), романы «Эзысь перна» (Серебряный крестик), «Утка туй» (Млечный путь), поэмы «Туйвежъяс» (Распутья), «Поп пи» (Сын попа).
Виктором Напалковым переведены на коми язык стихотворения С. Есенина, С. Панько, А. Канева, И. Кузнецова, финно-угорских авторов.
Виктор Егорович активно участвует в общественной жизни республики. В деревне Жежим Усть-Куломского района открыл библиотеку, которая насчитывает около 3 тысяч экземпляров книг коми и русских авторов.
В.Е. Напалков ‒ Почётный гражданин Усть-Куломского района, Заслуженный работник Республики Коми, Лауреат Премии правительства РК (им. И.А. Куратова) в области литературы.
Член Союза журналистов с 1964 года, член Союза писателей России с 1991 года.
Автор книг: «Миян Пиля дед» (1975 г.), «Менам лов шы» (1977 г.), «Козьнав мортлы муслун» (1981 г.), «Туйвежъяс» (1986 г.), «Томъяс» (1988 г.), «Кӧсъя тӧдмасьны» (1992 г.), «Ме тіянӧс радейта» (1994 г.), «Заря любви» (1999 г.), «Чолӧм и прӧщай» (2000 г.), «Эзысь перна» (2004 г.), «О, Енмӧй!» (2007 г.), «Утка туй» (2008 г.), «Войся ангел» (2012 г.).
Лит.: Самарин А. Кутшӧм нӧ эськӧ Светланаыс? ‒ Войвыв кодзув. 1984, №7; Демин В. Быдӧн ас ногыс ‒ Войвыв кодзув. 1985, №5; Лодыгин В. Вужъясыс чужан муас ‒ Коми му. 1991, 2 нояб.; Мартынов В. «Вотӧса август» ‒ Коми му, 1996, 29 июня; Муравьев В. Юрйыв кодзув ‒ Коми му. 1996, 10 дек.; Лодыгин В. Джеджим парма сьылысь ‒ Коми му. 1998, 2 июля; Холопова Д. Гижысьлӧн чужан лун ‒ Коми му. 1998, 18 июля.
О произведениях В. Е. Напалкова на сайте FU+Lab
http://wіkі.fu-lab.ru/іndex.php/Напалков_Виктор_Егорович
О жизни и творчестве В. Е. Напалкова в Коми Википедии
https://kv.wіkіpedіa.org/wіkі/Напалков_Виктор_Егорович
«Писателя узнаешь по походке» (интервью с писателем на сайте Безформата.ру) http://sіktіvkar.bezformata.ru/lіstnews/pіsatelya-uznaesh-po-pohodke/12792221/
Виктор НАПАЛКОВ
Джеджимса тетрадьысь
* * *
Чикыш жбыръялӧ, енэжын суналӧ,
Югыд тулысыс сьылӧ и йӧктӧ.
Oг тӧд, кодлы и кымын ар туналӧ —
Кӧкинь ӧтнога нораа кӧкӧ.
Эжва веркӧсын кымӧрлӧн вуджӧръяс,
Еджыд кымӧрсӧ гумлав кӧть пыжӧ.
Ытва кырӧдӧ берегас бужӧдъяс,
Коми мусерыс вежӧ вывкышсӧ.
Джуджыд пожӧмъяс шувгӧны керӧсас,
Ӧшкамӧшкаысь енэжлӧн сывборд.
Ӧшкамӧшкаас чуткыла перӧӧс,
Сизим рӧмаӧс гижны мед кывбур.
* * *
Еджыд платтьӧа, бобув кодь кокни,
Ӧшинь улӧдзыд тэнӧ ме колльӧдлі...
Менам син водзӧ ӧдйӧджык лок нин,
Сэкся здукъяссӧ кывбурам кольӧда.
Сэки вӧлім ми збодерӧсь, томӧсь,
Олӧм вылас, кӧть гӧльӧсь, эг норасьлӧй.
Чайтлім, томлунлы оз волы помыс,
Жаль вот: тэ ордӧ эг волы корасьны.
Шобді гӧлӧстӧ ӧніӧдз кыла,
Кыла морӧссьыд шоныдӧн ӧвтӧмсӧ,
Ӧнӧдз тулысын йинёнь моз сывла,
Кодыр, шоча кӧть, волывлан вӧтӧ мен.
Быттьӧ чужӧмад ворсӧдчӧ нюмыс,
Быттьӧ радпырысь тэланьӧ восьлала...
Кольӧм вояссӧ казьтыліг, думысь
Дзоридз пыдди тэн сьӧлӧмӧс козьнала.
Кӧн тэ, сьӧд синма муслунӧй, кӧні?
Узьтӧм войясӧ тэ вӧсна шогавла.
Тэнсьыд вом дортӧ пыдди ме ӧні
Небыд тӧврусӧ кутла да окала.
Олӧм вояс
Мен дас сизим. Сы мында жӧ тэн.
Гожйӧдчам ми лыа кӧса вылын.
Шыньгӧ Эжва, шонді уйӧ сэн.
Каля горзӧм кылӧ кӧнкӧ ылын.
Мен кызь сизим. Сы мында жӧ тэн.
Мӧдлапӧлын ытшкам видз выв турун.
Гожся уджыс тырмӧ тэн и мен,
Кужам кутны киын коса-куран.
Комын сизим тырис тэн и мен.
Пыр тэ колан сьӧлӧмлы и ловлы.
Кӧть и овлӧ миян костын вен —
Гымавлытӧм гожӧмыд оз овлы.
Кыдз пу вылысь киссьӧ зарни кор,
Гылалӧны, быттьӧ олӧм вояс.
Арся рытыс дӧва кодь жӧ нор,
Он и тӧдлы — бара кольӧ воыс.
Сизимдас мен. Сы мында жӧ тэн.
Шонді югӧръясысь бипур пестам,
Тэн и меным сетас медым Ен
Дыр на овны югыд вӧльнӧй светас.
* * *
Енэжыс шоныд да еджыд,
Быттьӧкӧ мӧс вӧра йӧв.
Эрд вылын пуритӧ вежӧд,
Гӧрдлӧ сэн чанясьӧм вӧв.
Чирк сэні сьылігтыр йӧктӧ,
Гӧрдӧдӧ бобӧнянь юр.
Малямуш зыньгӧмӧн ӧктӧ
Юмовджык кынӧмпӧт-нур.
Сынӧдын тювъялысь кайяс
Борднаныс гижӧны мен:
Кыпӧдчыв кымӧръяс саяс,
Эн пӧ пов енэжсьыс, эн.
Лэбзьылі, вӧлі кӧ бордъя,
Орччӧн ас Ангелкӧд тшӧтш...
Чуксалӧ менӧ ас ордас
Чериа ты — Йӧлакӧдж.
Вӧр-ваын кывбуръяс кыа,
Апышта кисьмӧм нин оз.
Вӧр-ваысь рифмаяс кыя
Эжваысь чериӧс моз.
* * *
Тшак-вотӧссьыд аттьӧ тэныд, ар.
Няня-сола ань кодь жӧ тэ лышкыд.
Шонді кӧть и абу вывті яр,
Гулыд ягыс горнича кодь кыпыд.
Гӧгӧр тані вотчысьяслӧн туй.
Чӧвлунысла чуналӧма пельыд.
Лысвасӧ кӧть вом тырнад тэ ю —
Гӧгрӧс блюд кодь тонӧ яя ельдӧг.
Розъя овлӧ пув и турипув,
Чуман тырттӧг некод оз лок гортас.
Парма-вӧрын ройӧ пон оз увт —
Коми вӧралысьлӧн медбур ёртыс.
Кусысь сись моз ваймӧ арся лун.
Ӧшинь сайын пӧльтысь тӧвлӧн кок шы.
Чужан сиктӧс личкӧ чӧскыд ун,
Ыркыд войыс мудзӧм вӧв моз пошкӧ.
Улич вылын абу ныв ни зон,
Ачым канькӧд паччӧрӧ жӧ кая.
Енэж помын кывтӧ кельыддон
Ӧтка тӧлысь, быттьӧ запятая.
Ӧшинювса садйын
Ок и гажа зэв ӧшинь ув садйын
Алӧй бан бока, нюмъялысь майын.
Дзоридз дукъясысь нӧгыльмӧ сынӧд,
Кылан, аслад тшӧтш содӧ кыдз выныд.
Варов лэбачьяс тивзӧны тані,
Накӧд сёрни ме комиӧн пана.
Оз ков вуджӧдчысь: тан — коми кайяс,
Коми му налы медгажа райыс.
Кыдз пу коми ног сывъялӧ менӧ,
Пелысь коми ног вежӧгтӧ сэні.
Юмов вом дора ӧмидз, гӧрд сэтӧр
Шонді югӧрысь ӧзъясны пестӧг.
И став быдмӧгыс татӧні коми,
Садйӧ волӧны пӧрысь и, том и.
Весиг комиӧн зыньгӧ тан номйыс,
Лоӧ узьлыны гожӧмнас вонйын.
Он кӧ эскӧй ті, Джеджимӧ волӧй.
Чайнад юктӧдам — энӧ ті полӧй.
Весиг рака тан комиӧн кравзӧ,
Весиг кань миян комиӧн нявзӧ.
Сьылӧй, лэбачьяс, комиӧн сьылӧй,
Ылӧдз комиӧн шыалӧй-кылӧй.
Tiян гӧлӧсныд нор овлӧ, мыла...
Со и тіянлысь велӧдча-сьыла.
Колльӧдчигӧн
Сикт кузя ми, ныла-зонма,
Вой шӧрӧдзыс кутам шӧйтны.
Мӧдлапӧвсянь небыд тӧвру
Миян чужӧмбанӧ ӧвтӧ.
Сё майбырӧй, том олӧмӧй,
Том гажӧй дай том муслунӧй.
Нывкӧд колльӧдчигӧн вошлӧ,
Вошлӧ менам чӧскыд унмӧй.
Нывлӧн вом доръясыс меным
Гусьӧн шӧпкӧдӧны тадзи:
«Окышт нин вай, зонмӧй, окышт,
Сӧмын некод мед эз аддзыв».
Сиктным ичӧт, верстысь дженьыд,
Со и воим кывтыд помӧ.
Лэдзӧм спутник миян весьтті
Ӧдйӧ лэбӧ енэж вомӧн.
Окасигтыр нимкодясям
Вӧр-ваыслӧн войся мичӧн,
Синмӧ шыбитчана серсӧ
Кутам сьӧлӧманым видзны.
Вугралыштны мудзӧм тӧлысь
Небыд кымӧр вылӧ водіс.
А ме югыд кодзувъяссӧ
Нывлы сикӧтш вылӧ воті.
Наследство
Oг талун олӧм вылас увгы,
Кӧть, ме ног, унатор и гуга.
Почётын талун олигарх,
Наследство сылӧн — миллиард,
Му вылын ciйӧ ен и сар.
Сы киын талун вӧрыс-ваыс,
И, гашкӧ, весиг райыс, адыс?
Зэв жаль мен ӧнӧдз Сӧвет власьт.
А кӧні тэ, рабочӧй класс?
Бӧр ловзьӧдны ме найӧс дась.
Мед сиктын уджыс пуис вобыд.
Ёг пыдди быдмис медым шобді.
Тэ, гӧрысь-кӧдзысь, талун кӧн?
Крестьянин, выльысь зэвтлы сӧн —
Тадз корӧ весиг вичко звӧн.
Му вылас батьӧ этша оліс,
Наследство пыдди меным колис
Важ Эжва бокса Джеджим грезд
Да енэж, коді сӧстӧм, сэзь —
Бать усис фронт вылын эз весь.
Сиктса пӧчьяс
Гудӧк шы улын сьылігтыр
Коркӧ шӧйтлісны аньясыд.
Бурлак зонъяслы мусаӧсь
Сэки вӧліны шаньясыд.
Еджыд кымӧр моз кытчӧкӧ
Олӧм воясныс лэбисны.
Нэм чӧж пӧсь петмӧн мырсисны,
Со и бырис вын-эбӧсныс.
Ыджыд сьӧм пыдди корсюрӧ
Почёт грамота вичмыліс.
Ӧні тайӧ наградаыс
Керка пытшнысӧ мичмӧдӧ.
Сӧмын ичӧт тай пенсия.
Слабог, эм кӧть ас вӧлӧга.
Важсӧ казьтылӧм — пӧчьяслы
Томдыр казьтылан йӧлӧга.
Карӧ пи-внукъяс мунӧны.
Сиктад пӧль-пӧчьяс кольӧны,
Пуктӧм пиньнаныс семечки
Кильчӧ пос вылын килльӧны.
Чужан сиктын
Радейта ме тайӧ Войвыв мусӧ,
Мам кодь дона, мича сійӧ, муса.
Тайӧ муыс Коми муӧн шусьӧ,
Быдтысьӧны кӧні дзодзӧг-юсьяс.
Парма-вӧрын кыйсьылӧма батьӧ,
Васька Ёгор — зэв пӧ ён да статя.
Батьлӧн гуыс чужан мусянь ылын,
Томӧн усис сійӧ война вылын.
Чужан сиктысь гажӧй ёна бырӧ,
Кӧні колис кӧмтӧм челядьдырӧй.
Тулысладор, кор ме локта гортӧ,
Тырвыйӧ сэк лола коми мортӧн.
Коми сёрни мичаӧс тан кыла,
Вомгорулын комиӧн тшӧтш сьыла.
Тані менам повесьтса геройяс,
Татчӧс йӧзлысь кыла сьӧлӧм дойяс.
Коркӧ тані вӧвлі зумыд овмӧс,
«Перестройка» перйис сылысь ловсӧ.
«Водзӧ, коммунизмӧ!»— мыйта дольлім,
Потӧм вор дорӧ тай, сэсся-й, колим.
Эска: сиктын олӧм оз на ваймы,
Вӧлӧга кӧть суйӧр сайысь вайӧм.
Сэк жӧ му-видз баддьӧн миян тырӧ.
Татшӧмторйыс, Енмӧй, кыссяс дыр-ӧ?
Кисьмывлӧны вӧрын льӧм и пелысь,
Сиктсаыдлӧн выйим пыж и пелыс.
Сьӧла-тартӧ кыяс, кыяс чери,
Да и киас ворсӧ пила-черыс.
Уна рӧмӧн джуджыд енэж ворслӧ,
Лэбалӧ кӧн кувсьӧм йӧзлӧн лолыс.
Илля лунӧ шойна вылӧ ветла,
Ставныслы сэн муӧдз копыр сета.
Радейта ме дзоридз — алӧй роза,
Гижны коми кывбуръяс и проза.
Дзоньвидза кӧ лоа, локтан арнас
Пукся гижны ассьым мемуаръяс.
* * *
«Кос закон» серти важӧнсянь ола:
Oг ю вина ни, водка ни, сур ни.
Частӧ анюлов юрӧ на волӧ,
Сӧмын томджыкыд ӧні оз сюр нин.
Мыйла томджыкыс? Ас коддьӧм ныма,
Эм мый казьтывны ми коддьӧм йӧзлы.
Кыліс Комиӧдз войналӧн гымыс,
Коді нёль во чӧж ыпъяліс-ӧзйис.
Томӧн усисны батьяс и пиян,
Ӧнӧдз дзебӧны налысь лы-шойяс.
Налы ӧзйӧны Куслытӧм бияс,
Медым кусӧдны куслытӧм дойяс.
Усьӧм батьӧлӧн овӧй и вичӧй,
Югыд аскиӧ нэм чӧж ме эска.
Мӧдаръюгыдсянь oг на ме виччысь
Сэтчӧ корана юӧр-повестка.